FÖR PLATT e. V.

Plattdeutsch aktiv an die nächste Generation weitergeben

 

Weet keen Bescheed

Dat Schipp geiht ünner. De Kaptein steiht up de Brüch un fraagt: „Hebbt wi bald Grund? Hebbt wi bald Grund?" De Stüürmann schüttkoppt: „Dat weet ik ok nich, Kaptein, ik gah hier ok dat eerste Maal ünner."

 

Eerste Utfohrt

Anna Meier hett ehrn Führerschien maakt. De Deern is achteihn un nu dat eerste Maal mit dat Auto vun ehrn Vadder ünnerwegens. Obends fraagt he: „Na, mien Deern, is allens kloor gahn?" De Deern antert: „Vadder, schall ik di nu allens vertellen, oder wullt du dat morgen fröh in't Blatt naleesen?"

 

Rinfulln

Rekenünnerricht in de eerste Klass. De Schoolmester fraagt: „Wokeen vertellt mi, wat dree mol dree is?" Lütt Hein ut de eerste Reeg meldt sik: „Ik weet Bescheed. Negen." De Schoolmester nickkkoppt un antert: „Dat hest du fein maakt, mien Jung. Nu gifft dat ok negen Bonbons för di." dor antert Hein: „So'n Schiet! Harr ik dat wusst, harr ik twintig seggt!"